Засгийн газрын хуралдаанаар Цагдаагийн ерөнхий газрын дарга Ж.Болдыг чөлөөлсөн. Тэгвэл өнөөдрийн Засгийн газрын хуралдаанаар  Эрүүгийн цагдаагийн албаны дарга Т.Сүхболыг ЦЕГ-ын даргаар томилжээ. Тэрбээр 2020 онд Эрүүгийн цагдаагийн албаны даргаар томилогдож байсан юм.

-1998-2001 онд Сонгинохайрхан дүүргийн Цагдаагийн хэлтэст цагдаа

-2005-2007 онд Хэнтий аймгийн цагдаагийн газарт хэсгийн төлөөлөгч

-2007-2011 онд Хэнтий аймгийн цагдаагийн газарт эдийн засгийн төлөөлөгч

-2011-2013 онд Хэнтий аймгийн цагдаагийн газарт эдийн засгийн ахлах төлөөлөгч

-2013-2018 онд Эрүүгийн цагдагийн албаны Эдийн засгийн гэмт хэрэгтэй тэмцэх хэлтэст ахлах төлөөлөгч, тасгийн дарга

-2018-2020 онд Эрүүгийн цагдаагийн албаны Эдийн засгийн гэмт хэрэгтэй тэмцэх газрын Мөнгө угаах гэмт хэрэгтэй тэмцэх хэлтсийн дарга

-2020 онд Эрүүгийн цагдаагийн албаны дэд бөгөөд Эдийн засгийн гэмт хэрэгтэй тэмцэх газрын дарга

-2020 оны долдугаар сараас Эрүүгийн цагдаагийн албаны даргаар ажиллаж байсан. 

ХОМ: Т.Сүхболд 203 сая төгрөгийн орон сууцтай, 77 сая төгрөгийн зээлтэй

Цагдаагийн ерөнхий газрын дарга Т.Сүхболд хөрөнгө орлогын мэдүүлгийг хүргэж байна. Тэрбээр хамгийн сүүлд 2022 онд хөрөнгөө ийн мэдүүлжээ. Түүний жилийн нийт орлого нь 48.3 сая, гэр бүлийн орлого нь 15 сая төгрөг гэж мэдүүлжээ. Харин нэг орон сууц, нэг авто зогсоолтой ажээ. Орон сууц, авто зогсоолын үнэлгээ нь 203.6 сая гэжээ. Мөн Toyota, prius Alpha загварын нэг автомашинтай бөгөөд үнэлгээ нь 30 сая төгрөг аж. Түүнчлэн тэрбээр 224 сая төгрөгийн үнэтэй хурдан удмын адуу-61, үхэр-10, хонь 20 гэсэн байна. Эзэмших эрхийн хоёр газартай, үнэлгээ нь 20 сая төгрөг аж. Мөн дотоодын хадгаламжинд 27 сая төгрөг, үнэт эдлэл нь 6.9 сая төгрөг гэж мэдүүлжээ. Мөн иргэн Б.Дашид 77 сая төгрөгийн зээлтэй гэж мэдэгдсэн байна.

Ташрамд дурдахад, Т.Сүхболд Эрүүгийн цагдаагийн албаны даргаар томилогдож байхдаа буюу 2018 онд ийм хөрөнгөтэй байжээ.

-Нийт орлого- 27.1 сая

-Гэр бүлийн орлого- 10.5 сая

-Нэг орон сууц, авто  зогсоол- 205 сая

-Тээврийн хэрэгсэл- ,Toyota, Land Cruiser 200- 78 сая төгрөг

- Мал, аж ахуй- Хурдан удмын адуу-25, Хонь-20, Үхэр-11- 190.6 сая төгрөг

-Газар- Байхгүй

- Үнэт эдлэл, урлаг, түүхийн үнэт зүйл нийт дүн- 3.3 сая төгрөг

-Дотоодын банк, санхүүгийн байгууллагад байрлах хадгаламж, данс, мөнгөн хөрөнгийн нийт дүн- 14.6 сая төгрөг

- Авлага нийт дүн- 8.0 сая төгрөг

- Зээл нийт дүн- 53 сая төгрөг