Улсын олимпын хорооны “Эв санааны нэгдлийн хөтөлбөр”-ийн дэмжлэгтэйгээр Монголын волейболын холбооноос зохион байгуулж буй OУВХ-ны "Дасгалжуулагчийн LEVEL 1" түвшний сургалт 4 сарын 1-5 ны өдрүүдэд Улаанбаатар хотод зохион байгуулагдаж байна.

    Сургалтыг ОУВХ-ны сургагч багш, Серби Улсын мэргэжилтэн Branislav Moro удирдан явуулж, дасгалжуулагчдад онол, практик хосолсон сургалтыг таван хоногийн турш орох юм. Сургалтад 21 аймаг, есөн дүүргийн төлөөлөл, мөн Үндэсний дээд лигийн нийт 45 дасгалжуулагч хамрагдаж байна.

    Ирэх жилүүдэд Монголыг волейболын холбооноос дасгалжуулагчдын ур чадварыг дээшлүүлэх, хөгжүүлэх зорилгын хүрээнд Олон улсын волейболын холбооны “Level-1”,  “Level-2” шатны сургалтыг үе шаттайгаар зохион байгуулахаар төлөвлөж байна.