Сагсан бөмбөгийн 3х3-ын баг,тамирчид өнөөдөр Сингапур Улсыг зорилоо. Тэд хэсгийн эхний тоглолтоо дөрөвдүгээр сарын 4-ний өдөр хийнэ. Азийн аварга шалгаруулах тэмцээнийг сүүлийн таван жил дараалан Сингапур Улс хүлээн авч, зохион байгуулж байгаа.

     Энэ удаагийн тэмцээнд Азийн аваргад 43 орны баг оролцох бөгөөд урьдчилсан шатны тоглолтууд өнөөдөр эхэлж байгаа юм. Манайх шууд хэсгийн шатнаас тоглоно. Тэгэхээр дөрөвдүгээр сарын 4-ний өдөр хэсгийн эхний тоглолтоо хийнэ.

     Сагсан бөмбөгийн 3х3-ын Азийн аварга найман удаа болоход эрэгтэйчүүдээс Австрали 5, Монгол 2, Катар 1 удаа түрүүлсэн. Манай улс хоёр алт, хоёр мөнгө, нэг хүрэл медаль авч байлаа. Харин эмэгтэйчүүд анх удаа аваргын цом өргөхийн төлөө Сингапурт очиж байгаа. Бүсгүйчүүд маань нэг мөнгө, нэг хүрэлтэй. Одоо түрүүлбэл тивийн аваргаас иж бүрэн медальтай болно.