Монгол Улсад нэн ховорт тооцогдох мазаалай баавгай удаа дараа үхэж, үрэгдэж байна гэх мэдээлэл олон нийтийн сүлжээнд тавигдаад байсан юм. Тэгвэл өнгөрсөн долоо хоногт Баянхонгор аймгийн Баян-Өндөр суманд мазаалай баавгайн сэг олджээ.

        Баян-Өндөр сумын Засаг дарга Б.Идэрмөнхөөс үхсэн мазаалайн талаар тодруулахад тэрбээр “Баян-Өндөр сумын нутаг Өндөр овоот гэх газарт тэмээндээ явж байсан малчин, үхсэн мазаалай баавгайн сэг олсон. Үүний дараа байгаль хамгаалагч мазаалайн сэгийг сумын төвд авчирч, үхлийн шалтгааныг тогтоосон. Энэ жил Баян-Өндөр суманд ган гачигтай байсан тул хоол тэжээлийн дутагдалд орж үхсэн гэж үзэж байна. Одоогоор нийт 50 гаруй тоо толгой бүртгэгдээд байгаа. Жилийн жилд тоо толгой нь өсөөд л байна. Үхсэн мазаалайг сумын музейд үзвэр болгон хадгална” гэв.