“Нийслэлийн МАН-ын хорооны дарга Д.Сумъяабазар “Өөрийнх нь бодлогоос эсрэг явсан хэнийг ч байсан зод, дарамтал” гэж үүрэг болгожээ. Үүний дагуу УИХ-ын гишүүн, Баянзүрх дүүргийн МАН-ын дарга Э.Бат-Амгалан журмын нөхдийнхөө нэгийг “Бодлого сөрлөө” гэж цус, нөжтэй нь хольж, зодсон байна. Толгойг нь таван газар хагалжээ” гэх мэдээлэл цахим сүлжээнд шэйрлэгдэж, олон нийтийн бухимдлыг төрүүлээд байна. Тэгвэл тус зураг, пост нь 2018 оны арваннэгдүгээр сарын 14-нд “Аймшигтай юм бэ” пэйж хуудаст нийтлэгдэж байжээ. Өөрөөр хэлбэл, гурван жилийн өмнө цахим сүлжээнд оруулсан хуучин мэдээлэл гэсэн үг.

                 Бид энэ талаар Баянзүрх дүүргийн Олон нийттэй харилцах хэлтсийн дарга Б.Төгсбаяраас тодрууллаа. Тэрбээр “Баянзүрх дүүргийн МАН-ын дарга УИХ-ын гишүүн Э.Бат-Амгаланг энэ хүнийг бодлого сөрлөө” гэж зодсон гэх мэдээлэл нь ор үндэсгүй, худал мэдээлэл гэдгийг албан ёсоор хэлье. Зодуулсан хүний зураг гурав, түүнээс ч өмнөх жилийн зураг байх шиг байна лээ. Зодуулсан гээд байгаа төрийн албан хаагч манай дүүрэгт ямар нэгэн алба хашдаггүй” гэх тайлбарыг өглөө.