Өмнөговь аймгийн Ханбогд сумын Засаг дарга асан Х.Нэхийт, Ш.Эрдэнэжаргал нарыг АТГ-аас шалгаж, 30 хоног цагдан хорихоор болжээ. Тодруулбал, Ханбогд сумын Засаг дарга асан Х.Нэхийт, Ш.Эрдэнэжаргал нар  хамаарал бүхий хүмүүстэйгээ нийлж, Цагаан хад суурьшлын бүсэд хууль бусаар газар авч, БНХАУ-ын иргэдэд өндөр үнээр худалдсан гэх мэдээлэл өмнө нь гарч байсан. Тэднийг өнгөрсөн жил  дээрх хэргээр шалгаж, хууль хяналтын байгууллагаас эд хөрөнгийг нь хурааж байсан. 

   Мөн өнгөрсөн арванхоёрдугаар сарын 25-нд Өмнөговийн газрыг Хятадуудад хууль бусаар эзэмшүүлсэн гэх Өмнөговь аймгийн Ханбогд сумын Засаг дарга асан Х.Нэхийт, Ш.Эрдэнэжаргал, Өмнөговь аймгийн ИТХ-ын дарга асан Б.Бадраа нарт цагдан хорих таслан сэргийлэх арга хэмжээ авах саналыг прокуророос шүүхэд хүргүүлж, улмаар шүүх уг саналыг хэлэлцжээ. Тодруулбал, шүүхээс Х.Нэхийт, Ш.Эрдэнэжаргал нарт өмнө нь авсан Монгол Улсын хилээр гарахыг хориглох таслан сэргийлэх арга хэмжээг хэвээр үлдээж, цагдан хорих таслан сэргийлэх арга хэмжээ авах прокурорын саналаас татгалзажээ. Тэгвэл долоо хоногийн дараа тэднийг цагдан хорих шийдвэр гарсан байна.