МАК-ийн тэргүүн дэд ерөнхийлөгч Г.Цогт Хөдөлмөрийн баатар цол хүртлээ. 

             Тэрбээр  шагнал авах үеэрээ "Монголын төр, түмэн олон өндөр хишгээ хайрлаж, Монгол Улсын хөдөлмөрийн баатар хэмээх эрхэм алдрыг хүртээж байна. Миний бие Монголын уул уурхайн салбарт 33 жил зүтгэлээ. Үүнээс 28 жил нь "Монголын алт" ХХК-д ажиллалаа. Энэ жил манай компанийн 30 жилийн ой тохиож байна. Монгол Улсын нийгэм, эдийн засагт бодитой хувь нэмэр оруулахуйц томоохон бүтээн байгуулалтыг манай хамт олон гардан бүтээсэн. Дэлхийн тэргүүний техник технологийг Монголдоо нутагшуулаад, монгол хүн монгол залууст түүнийг эзэмшүүлэхэд манай компани идэвхтэй сайхан ажилладаг нь бахдалтай байдаг. Мөн орон нутгийн төсөв улсын эрднэсийн сан хөмрөгийг баяжуулахад манай компанийн үүрэг роль ч өндөр байдаг. Энэ бүх амжилт ололтыг Монголын төр үнэлж, өнөөдөр намайг төлөөлөл болгон энэхүү шагналаар шагнаж байгаа гэж бодож байна. МАК-ийг үүсгэн байгуулсан Нямтайшир захиралдаа, Хулан эгчдээ нийт компанийнхаа хамт олонд, монголын ард түмэндээ чин сэтгэлээсээ талархаж байгаагаа илэрхийлье" гэв.