Зул сарын баярын талаар бодох төдийд өнгө өнгийн  тоглоом, тод гэрлээр гоёсон мөнх ногоон гацуур бидний санаанд хамгийн эхэнд буудаг билээ. Шинэ жилийн баярын орхиж боломгүй бэлгэдэл болсон гацуурыг улс бүр өөрийн хэв маяг, ёс заншилд оруулан чимэглэх нь бий. Тэр дундаа сүрлэг өндөр гацуур засах сонирхолтой орнууд ч цөөнгүй бий. Ингэд дэлхийд хамгийн өндөр, сүрлэгт тооцогддог ТАВАН  гацуурыг танилцуулж байна.

Лагоа нуурын усан дээрх дэлхийн хамгийн өндөр сүлд мод

       Бразилын нийслэл Рио Де Жанейрод 85 метр өндөртэй, 15 угсраа бүхий энэ гацуурыг засахад 500 тонн орчим төмөр оржээ. Мод тойруулан асаасан гэрлэн чимэглэлийн утасны  урт нь бараг 100 км бол чийдэн нь гурван сая орчим аж. Энэ мод Лагоа нуурын усан дээр 15 жил сүндэрлэж байгаа бөгөөд бразилчууд, жуулчид шинэ жил бүрээр очиж өөр өөрсдийн гэрлийг асаадаг гэнэ.

Рокфеллерийн гацуур мод

        Рокфеллерийн төвийн гацуур мод жил бүр арванхоёрдугаар сарын 1-нд гэрлээ асаадаг бөгөөд энэхүү мөчийг харах гэж олон жуулчид ирдэг байна. "Нью-Йоркийн баярын гэрэлт цамхаг" хэмээгддэг  модны түүх өмнөөс 1931 оноос эхтэй.  Нордикийн гацуур нь 79 фут өндөр, 50,000 гэрэл, гурван хэмжээст “Сваровски” одон чимэглэлтэй.

Вильнюс гацуур мод

       Литвийн нийслэл нь дэлхийн хамгийн үзэсгэлэнтэй зул сарын гацуур модны үзүүлбэртэй гэдгээрээ алдартай. Жил бүр модны өнгө өөр байдаг бөгөөд өнгөрсөн жил цаг хугацаа, шатар, нил ягаан өнгө зэргийг багтаасан байжээ. Энэхүү тод гэрэлтэй гацуур мод нь  88 фут өндөртэй.

Португал  Улс, Лиссабоны зул сарын гацуур мод

       Тус гацуур модны өндөр жил бүр өөр өөр байдаг. Хэдийгээр хиймэл боловч Лиссабоны мод нь үргэлж тод гэрлээрээ онцгойрч байдаг. Лиссабоны хамгийн өндөр гацуур нь 249 фут өндөр бөгөөд Европ дахь хамгийн өндөр гацуур модуудын нэгээр нэрлэгддэг.

Франц  Улс, Страсбургийн гацуур мод

       Плас Клеберт байрлах энэхүү баярын зах нь зул сарын гацуур модоороо илүү ид шидтэй болжээ. 30 метрээс дээш өндөртэй уг модыг долоон километр урт гэрлээр чимэглэсэн бөгөөд 400 орчим тоглоомоор чимэглэжээ. Энэхүү гацуурыг чимэглэж дуусгахад 250 гаруй хүний хүч хөдөлмөр шаардагддаг ажээ.