Нийтийн тээврийн үйлчилгээний тулгамдсан асуудлын талаар “Том оврын автобусны үйлчилгээ эрхлэгчд”-ийн холбооноос хэвлэлийн хурал хийлээ. Энэ үеэр тус холбооны тэргүүн тэргүүн А.Ганхуяг  “Улаанбаатар смарт карт" ХХК асуудлаар  үг хэллээ.

  Тэрбээр “2015 онд нийтийн тээврийн бүх аж ахуй  нэгжүүд улсын төсвөөс нөхөн олговор буюу хөнгөлөлттэй зорчдог оюутан, ахмад настан,  хөгжлийн бэрхшээлтэй иргэдийн бүх зардал нийлээд  53 тэрбум төгрөг бидэнд санхүүжилт болгон авч бусад орлогыг өөрсдийн өдөр тутмын орлогоосоо олдог байсан. Өнөөдрийн байдлаар хотын  төсвөөс 161 тэрбум төгрөг гардаг болсон. Зардлын санхүүжилт нэмэгдсэн энэ “Улаанбаатар смарт карт" компани гарч ирснээс хойш төсвөөс гардаг мөнгө нь гурав дахин нэмэгдсэн, шугамын орлого өдөр бүр унаж байна. Өнөөдөр бол манай компаниуд жишээ нь "Тэнүүн-Огоо" компани 2015 оноос өмнө автобусны жилийн орлого нь 30-32 сая төгрөг байсан бол өнөөдөр жилийн орлого 6-8 сая төгрөгийг смарт карт компаниас авч байна. Сүүлдээ манай жолоочид авдаг гэж дайрч байна. Автобусны карт цэнэглэх газар ховор, иргэд залхсанаар  мөнгө төлөхгүйгээр зорчих, заримдаа жолоочид мөнгө өгөх нь ихэссэн. Автобусны төхөөрөмж шалгаруулж байх үед Монгол компани 1,3 сая төгрөгөөр шалгарсан байхад, 10 сая төгрөгийн хөрөнгө оруулалтаа компанийг оруулсан. Энэ бол мөнгө угаах систем.  Хот ухаалаг системтэй болох гэж байгаа Монгол Улсын IT инженерүүдээр маш бага зардлаар хийлгүүлмээр байна. Одоо ашиглаж байгаа систем маш муу захиралтай нь уулзах гэхэд 2-3 сар олддоггүй, цаг ав гэдэг. Өөрсдийнх тоног төхөөрөмж эвдэрснээс болж автобус зогсоход тэрний хариуцлагыг хүлээдэггүй. Энэ асуудлаар дарга нартай нь уулзах гэхээр дандаа Солонгосоор дамждаг, Солонгос Улсад байгаа, тэр дарга ирнэ тэр үед уулз гэнэ. Амархан нэг инженер ирээд засчих зүйл дээр хүнд суртал гаргадаг. Нийтийн тээврийн салбар маш их алдагдалтай явж байна. Хувийн нэгж байгууллагууд шатахууны өрөнд орсон байдалтай ажиллаж байна” гэв.