Нийслэл Засаг дарга бөгөөд Улаанбаатар хотын захирагч Д.Сумъяабазарын Засгийн газрын худалдааны дараа хийсэн мэдэгдэлтэй холбоотойгоор Улаанбаатар смарт картын зүгээс мэдэгдэл хийлээ. Энэ үеэр Бизнес хэрэгжилтийн хэлтсийн дарга М.Мөнхболд гурван асуудал дээр тайлбар хийлээ.

Тэрбээр  “Улаанбаатар смарт карт компани нь цахим төлбөрийн системийн төслийн хэрэгжүүлэгч компани одоо долоо дахь жилдээ үйл ажиллагаа явуулж байна. Нийтийн тээврийн салбарт технологийн дэвшлийг нэвтрүүлснээр үйлчилгээний соёл чанар хүртээмжийг дараагийн шинэ шатанд гаргах , санхүүгийн тогтолцоог шилэн болгож бүрдүүлж ирсэн. Ингээд өнгөрсөн хугацаанд нийслэлийн төсөвт өссөн дүнгээр 212 тэрбум орчим төгрөгийн хэмнэлттэй ажилласан. Нийслэлийн Засаг дарга Сумъяабазар манай компанийн талаар ялангуяа санхүүжилт нийслэлийн зардлын санхүүжилт өссөн, дата мэдээлэл нь Солонгос Улсад байдаг, аудит шалгалт хийх боломжгүй гэсэн ташаа мэдээллийг нийтэд өгсөн. Үүнд тайлбар хийж байна. Санхүүгийн тогтолцоо гурван хэсгээс бүтдэг шугамын орлого буюу картаар төлсөн,хөнгөлөлттэй зорчигч буюу ахмад настан, оюутан буюу нөхөн олговор, зардлын санхүүжилт буюу орлого зарлагын зөрүүт санхүүжилтийн гэсэн гурван хэсэгтэй. Зардлын санхүүжилт нийслэлийн иргэдийн төлөөлөгчдийн баталсан хурлын дагуу  нийслэлийн тээврийн газраас автобус компанийн гүйцэтгэлийн харж санхүүжилт олгох журмын дагуу олгох ёстой санхүүжилтийн нь гардаг байгаа. Тус санхүүжилт манай Улаанбаатар смарт картын дансаар дамждаггүй. Нийслэлээс автобус компанид хуваарилагдан ордог. 2016 онд зардлын санхүүжилт 53.7 тэрбум одоо 106,6 тэрбум болж өссөн байсан. Бид  нийтийн тээвэр картын системд бүрэн шилжсэн. Өвлийн улиралд зорчигчдоос “автобус хүлээгээд ирэхгүй байна” гэсэн  гомдол мэдээлэл хамгийн их  ирдэг энэ нь автобуснуудыг зам дээр явсан цагаар нь цалинг нь бодолж олгодогтой холбоотой. Ингээд зардлын санхүүжилт өсөж байна. Өнгөрсөн хугацаанд манай төсөл хэрэгжиж эхэлснээр автобусны бүх мэдээлэл, хаана ачаалалтай байна, автобус хаана явж байна гэсэн бүх л мэдээллийг авах боломжтой болсон. Шугамын орлого зарлагын санхүүжилт өсөж байгаа нь маршрут төлөвлөлт нь хүртээмжгүй байгаа. Өнгөрсөн хугацаанд бидний цуглуулсан дата мэдээллээс оновчтой шийдвэр олох боломжтой. Аудит шалгалт хийх боломжгүй байдаг талаар өчигдөр хэлсэн. Энэ асуудал дээр хэлэхэд өнгөрсөн хугацаанд манай компани дээр  нийслэлийн төрийн аудит, шалгалтуудыг тодорхой хэмжээгээр хяналт шалгалтын удаа дараа хийж ирсэн. Энэ шалгалтаар манай компанид тодорхой хэмжээний ноцтой зөрчил илрээгүй. Дата центр Монгол Улсад байхгүй , төлбөр тооцоог Солонгос Улсаас хийдэг  мэдэгдэл хийсэн байсан. Манай компани хөгжүүлсэн энэ систем Улаанбаатар хотын бодлого онцлогт тохируулж бүтээгдсэн систем юм.  Дата систем мэдээлэл Монгол Улсад байгаа. Тиймээс Солонгос Улсаас харна гэдэг ташаа мэдээлэл” гэв.