Мод хүчил төрөгч бэлэглэдэг хамгийн энгийн хэрнэ  ашиг тустай ургамал юм. Том жижиг, жимс, цэцгийн гэх мэтчилэн олон төрөл зүйлтэй билээ. Тэгвэл тэр дундаас хамгийн онцгой, өвөрмөц зургаан модыг  танилцуулж байна.

1400 гаруй жилийн настай Хятадын Гинкго

Жил бүрийн арван нэгдүгээр сард Жуннань уулс дахь Гу Гуаньин буддын сүмийн хажууд ургасан энэхүү Гинко мод шар навчис нь унах үед сүмийн ойр хавийг шар далай болгон хувиргадаг байна.

125+ жилийн настай Rhododendron

“Rhododendron” бол мод биш бөгөөд мод шиг өндөрт ургаж чадсан гайхалтай  бут юм. Гайхалтай ягаан цэцэгтэй энэхүү бут орчин тойрондоо онцгой өнгө нэмдэг ажээ.

Мадагаскар дахь баобаб мод

Эдгээр асар том моднууд 100 фут өндөр, 35 фут өргөнтэй ургадаг.  Энэхүү том хэмжээтэй мод нь их хэмжээний усыг их биедээ хадгалах чадвар юм. Баобаб нь ган гачигт  тэсвэртэй бөгөөд 32,000 галлон ус нөөцлөх чадвартай.

Метусела

Метусела бол 5000 орчим жилийн настай хамгийн эртний моднуудын нэг юм. Энэ нь Калифорниа мужийн Инё дүүрэгт байрладаг боловч бусад хүмүүсийн хорлон сүйтгэхээс  хамгаалах үүднээс яг байршил нь тодорхойгүй заадаггүй байна.

Генерал Шерман Секвойа мод

Генерал Шерман бол Калифорни дахь Секвойа үндэсний цэцэрлэгт хүрээлэнд байрладаг аварга том “Секвоиа” мод юм. Энэ нь одоогоор дэлхий дээрх хамгийн том амьд  мод юм. Тооцоолсон масс нь 2,472,000 фунт бөгөөд ойролцоогоор 2,400-2,800 жилийн настай ажээ.

Сахиусан тэнгэрийн царс мод

Сахиусан тэнгэрийн царс мод нь Өмнөд Каролина мужийн Чарлстон хотод байрладаг. Энэхүү мод нь өөрөө 400 орчим жилийн настай бөгөөд мөчрүүд нь янз бүрийн чиглэлд ургадаг. Царс мод нь  бараг 17,200 хавтгай дөрвөлжин фут сүүдэрлэдэг.