Олон улсын эмэгтэйчүүдийн эрхийг хамгаалах өдөр, цэргийн баяр гээд олон баярт үйл явдал болдог гуравдугаар сар эхэллээ. Бид энэ удаа уншигч та бүхэндээ гуравдугаар сард тоглогдох жүжиг, үзвэрүүдийн талаарх мэдээллийн хүргэж байна.

СҮҮТЭЙ ЭНГЭРИЙН АЯЛГУУ

     МУСТА, дуучин Г.Эрдэнэтунгалаг энэ оны гуравдугаар сарын 8-нд “Сүүтэй энгэрийн аялгуу” тоглолтоо хийхээр товложээ. Тус тоглолтоо олон улсын эмэгтэйчүүдийн баярыг тохиолдуулан хүргэж байгаа бөгөөд өөрийнхөө уран бүтээлийн шилдэг дуунуудаас хүргэхээр бэлдэж байгаа аж.

           Түүнийг бид “Түвшин баяртай яваарай”, “Дуулж л явахаас даа”, “Ижий минь бодогдоно” зэрэг дуугаар нь мэдэх билээ. Мөн МУГЖ, Батсайхантай хамтран “Ханьсахын жаргал”, “Бодолд өнжсөн хайр”, “Санаанд илхэн хайр” зэрэг дууг хослон дуулж үзэгчдийн хайр хүндэтгэлийг хүлээсэн юм.

Хаана: UB Event Hall

Хэзээ: 2024 оны гуравдугаар сарын-8-нд 17:00 цагаас

Тасалбарын үнэ: 199.000 төгрөг

КЛЕОПАТРА 

            Түүхийн номноос хальж, хүн төрлөхтний төдийгүй соёлын дүр болон үлдсэн хэдэн хүмүүсийн нэг бол яахын аргагүй Клеопатра юм. Гоо үзэсгэлэнгийн туйл, харгис хатан ч гэж тодорхойлогддог Египетийн сүүлчийн хатан хаан Клеопатра нь дундрашгүй оюун санаа, амар амгалан, эрх чөлөө, ялалт, агуу хайрын түүхийг өгүүлдэг. Клеопатра хатны дүрийг амилуулсан олон жүжигчин байдгаас цухас дурьдвал:

- Пайпер Лаури (Piper Laurie)- Caesar and Cleopatra (1959)

- Ронда Флеминг (Rhonda Fleming)-Serpent of Nile (1953)

- Жан Далси (Jenne D’Alcy)-Cleopatra’s Tomb (1899) зэрэг олон уран бүтээлч тус хатны дүрийг бүтээсэн байна.

          Тэгвэл энэ удаад “Монгол театр”-ын уран бүтээлчид Улаанбаатар чуулгын тайзнаа тавихаар бэлдэж байна. Жүжгийн гол дүрд, Ардын жүжигчин Б.Жаргалсайхан, СТА, жүжигчин Н.Баярмаа, П.Баттөр зэрэг уран бүтээлч тоглож байгаа юм.

Хаана: Улаанбаатар чуулга

Хэзээ:  2024 оны хоёрдугаар сарын 28-наас эхэлнэ.

Тасалбарын үнэ: 40.000-180.000 төгрөг

 SHOW TIME 2024

            Монголын хошин урлагийн ууган продакшн болох  “X Tuts” продакшны уран бүтээлчид 30 жилийн ойн хүрээнд “SHOW TIME -2024” хошин урлагийн тоглолтыг үзэгчдэдээ хүргэхээр бэлдэж байна. Тэдний хувьд долоон жилийн дараа бүрэн бүрэлдэхүүнээрээ дахин тайзнаа гарах гэж байгаагаараа онцлог. Бид ““X Tuts” продакшны  “Сэрүүн хасын нууц”, “Аянгын бороо” зэрэг эмгэнэлт драмын жүжиг болон “Сэргээш”, “Солиот эх” зэрэг олон бүтээлийг нь мэднэ.

Хаана: Соёлын төв өргөө

Хэзээ: 2024 оны гуравдугаар сарын 8

Тасалбарын үнэ: 35.000-65.000 төгрөг

LADIES FIRST

       Олон улсын эмэгтэйчүүдийн баяраар “LADIES FIRST” концерт шоу “The Corporate Convention center”-т хоёр дахь жилдээ болно. Тус шоунд 10 уран бүтээлч оролцох бөгөөд орчин цагийн хамтлаг дуучдыг нэг дор үзэх боломжтойгоороо онцлог байна. Тухайлбал, The Lemons, A-Sound, Choi Joo, The Compass, Orgil, The Galtmah, Michelle, The Royal Heartaches, Magnet Brain, DJ Layla, Comedian Amraa нар оролцох юм.

Хаана: Corporate Convetion Center

Хэзээ: 2024 оны гуравдугаар сарын  8

Тасалбарын үнэ: 79.000 төгрөг

ТОД ХУВЦАСТАЙ ЭМЭГТЭЙ

               Мөрөөдлийн театрын уран бүтээлчид тайз, дэлгэцийн 23 дахь бүтээл болох “Тод хувцастай эмэгтэй” уянгын драмын жүжгийг хүргэхээр бэлдэж байна. Энэхүү жүжиг нь зохиолч Д.Мэндсайханы зохиол бөгөөд найруулагчаар нь Төрийн соёрхолт, УГЗ Н.Наранбаатар ажиллаж байгаа юм. Баяр жаргал, бузар булай, үнэн шударга, худал хуурмаг сүлэлдсэн хүний эрээнд орчлонд хүнээрээ байсан хүмүүс л тод өнгөтэй. Алдаж онодог, хөөсөрч бялхдаг, үгүйрч хоосордог хүний энэ орчлонд ээж үргэлж тод, үргэлж хүнлэг, цаг ямагт хайр цацруулсаар байдгийг харуулсан жүжиг юм.        

Хаана: МҮЭСТО

Хэзээ: 2024 оны гуравдугаар сарын-8

Тасалбарын үнэ: 30.000-60.000 төгрөг

МИНИЙ ЭЭЖ ХӨӨРХӨН

         Монголын ээжүүдийн үзэх дуртай  "Миний ээж хөөрхөн" баярын тоглолтыг энэ жил мөн зохион байгуулахаар болжээ. Тоглолтод, Ардын жүжигчин А.Долгор, Ж.Уранчимэг , МУГЖ, Б.Ганчимэг, Ч.Бат Эрдэнэ, Л.Болдбаатар,М.Баярмагнай, Ч.Бат-Эрдэнэ, Л.Болдбаатар, Д.Отгонжаргал, МУСТА Л.Банзрагч,Г.Эрдэнэчимэг,Б.Батцэцэглэн,Э.Дашням,Н.Дашдэмбэрэл, Г.Даваадалай, Ө.Бохьшарга, дуучин Б.Бат-Энэрэл,Г.Энхцэцэг, Ө.Лувсанцэрэн нар оролцох юм байна.

Хаана: Ulaanbaatar Palace

Хэзээ: 2024- оны гуравдугаар сарын 8

Тасалбарын үнэ: 30.000-40.000 төгрөг

EMPOWERING WOMEN 2024

            Олон улсын эмэгтэйчүүдийн эрхийг хамгаалах өдрийг тохиолдуулан "EMPOWERING WOMEN 2024 | Trade Tech Talent" арга хэмжээг 2024 оны гуравдугаар сарын 7 –нд зохион байгуулахаар болжээ.

        Энэхүү арга хэмжээнд бизнес эрхлэгч, технологийн салбарын эмэгтэйчүүд хиймэл оюун ухаан, бизнесийн аюулгүй байдал, хувь хүний хөгжил, манлайлал зэрэг сэдвийн дор хуран чуулж дуу хоолойгоо хүргэнэ.

Хаана: МҮХАҮТ-ын Их танхим

Хэзээ: 2024 оны гуравдугаар сарын 8

Тасалбарын үнэ: 89.000 төгрөг

БҮХ ХАЙРЫГ БҮСГҮЙЧҮҮДДЭЭ

                  Бүх хайрыг бүсгүйчүүддээ хошин урлаг, рок поп, нийтийн дуучдын нэгдсэн шоу тоглолт эмэгтэйчүүдийн баярыг тохиолдуулан хүрэх гэж байна. Энэхүү тоглолтоороо монгол түмний сонсох дуртай дуучид, жүжигчид хуран цуглахын сацуу уран бүтээлчид маань өөрсдийн сор болсон бүтээлээ толилуулахаар бэлдээд буй юм.

Тоглолтод, Харангын Лхагва, Ч.Бат-Эрдэнэ /МУГЖ/, М.Баярмагнай /МУГЖ/, Б.Отгонжаргал /МУГЖ/, GUYS Уугий, Б.Отгонжаргал /МУГЖ/, Дуучин Амархүү, Б.Баярцэцэг /СТА/, Пароди хамтлаг, Хөтлөгч Г.Алтаншагай, Л.Банзрагч /СТА/,  Г.Эрдэнэтунгалаг /СТА/, Б.Батцэцэглэн /СТА/, Г.Даваадалай /СТА/, Ө.Бохьшарга СТА -нар оролцох товтой байна.

Хаана: МҮЭСТО

Хэзээ: 2024 оны гуравдугаар сарын 7-8

Тасалбарын үнэ: 40.000-45.000 төгрөг

“ШАДАР ГУРВАН ЦЭРЭГ” физикл драм

        Эрэлхэг зоригт Д'Артаньян болон хүчирхэг шадар цэргүүд болох Атос, Арамис, Портос нарын амьдрал, хайр дурлалыг тухайн үеийн нийгэм, цаг үетэй нь хослуулан гаргаж өгснөөрөө онц сонирхолтой байх болно. Жүжгийн үйл явдал 17-р зуунд өрнөх бөгөөд гол дүр болох Д'Артаньян гэгч зальтай, овжин, эрч хүчээр дүүрэн залуу Франц улсын цэргийн албанд элсэн орж өөр шигээ хүч тэнхээ ид бяраар дүүрэн гурван шадар цэрэгтэй танилцсанаар жүжиг эхэлнэ. Тэд хаан, хатан, хамба гурвын зөрчил, үхэл хагацал, хайр сэтгэл, хууран мэхлэлт гээд олон сорилтуудтай нүүр тулах хэдий ч нөхөрлөлийн үнэ цэнэ , үнэнч шударга зангаар тэр бүгдийг даван туулж сэтгэл татам адал явдлаар аялуулах болно.

Хаана: РЦНК

Хэзээ: 2024 оны гуравдугаар сарын 1-10

Тасалбарын үнэ: 30.000-80.000 төгрөг 

БҮСГҮЙ 

        Хурд хамтлагийн эмэгтэйчүүдийн баярт зориулан жил бүр уламжлал болгон тоглодог  "БҮСГҮЙ" тоглолт энэ жил ганцхан удаа болох гэж байна. Тоглолтонд ирсэн хүн бүрт Хурд нэрийн шар айраг үнэгүй бэлэг болгон өгөх бөгөөд олон гэнэтийн бэлэг та бүхнийг хүлээж байна. Бид тус хатлагийн “Бүсгүй”, “Ээждээ”, “Аавдаа”, “Хайрын Улаан Сарнай”, “Нандин Хайр” зэрэг бүтээлийг мэдэх билээ.

Хаана: UG PALACE

Хэзээ: 2024 оны гуравдугаар сарын 8

Тасалбарын үнэ: 88.000-300.000 төгрөг