Нийслэлийн Засаг дарга бөгөөд Улаанбаатар хотын захирагч Х.Нямбаатар өнөөдөр цаг үеийн асуудлаар мэдээлэл өглөө. Тэрбээр “Үндэсний цэцэглэгт хүрээлэнд газ өргөх, дэмжих станц барих гэтэл газар олголт хийх эрх зүйн орчингүй. Гэтэл Үндэсний цэцэрлэгт хүрээлэн Туул гол хоёрын зааг дээр хэнийх нь мэдэгдэхгүй маш том эдлэн газар байна. Би дрон нисгэж үзлээ. Хүмүүс арал дээр амьдарч байна. 2013, 2014 оны үед олгогдсон мөртлөө нэг ч удаа төлбөр төлөөгүй юм билээ. Нэг ч төлбөр төлөлгүй хотын даргын шийдвэрээр арал дээр амьдарч байгаа иргэдийн дулаан хангамжийг нэмэгдүүлэхээр газын станц барих эрх зүйн орчин бүрдээгүй байдаг. Нийслэлийн газрын албаны даргаар ажиллаж байсан н.Цэлмэг Туул голын эрэг дээр бие засаж байгаад, шээсээрээ хэмжиж газар өгч байсан. Нийслэлийн газар төлөвлөлт, хот байгуулалтыг хариуцаж байсан аймшигт шийдвэрүүдээс шалтгаалж өнөөдрийн хот бий болсон. Энэ бүхнийг дахин баримттай гаргаж ирнэ гэж бодож байна” гэв.