Иргэдийн аюулгүй, ая тухтай амьдрах орчныг бүрдүүлэх, гэмт хэрэг зөрчлөөс урьдчилан сэргийлэх, гэмт хэргийн гаралтыг бууруулах зорилгоор Баянзүрх дүүргийн цагдаагийн газрын гуравдугаар хэлтсийн хариуцсан 23, 28 дугаар хороог “Ногоон бүс” болгож камержуулах зорилгоор Баянзүрх дүүргийн “Хөрөнгө оруулалт, бүтээн байгуулалт төв”-ийн санхүүжилтээр 35 цэгт 86 ширхэг теле хяналтын камерыг суурилууллаа.

    Тус хороодын нутаг дэвсгэрийг “Ногоон бүс” болгосноор цагдаагийн байгууллагын 102 тусгай дугаарын утсанд иргэд, байгууллагаас өнгөрсөн сард 1588 дуудлага мэдээлэл ирүүлсэн нь өмнөх оны мөн үетэй харьцуулахад 270 нэгж буюу 14,5 хувиар буурсан эерэг үзүүлэлттэй байна.

     Цаашид теле хяналтын камерын цагдаа гурван ээлжээр 24 цаг үүрэг гүйцэтгэж, камерын тусламжтайгаар тус хороодыг хяналтад авч, гэмт хэрэг, зөрчлийг илрүүлэх, урьдчилан сэргийлэх боломжтой юм.