“IHC” койны хэрэгт холбогдсон гэх О.Мөнхжингийн гэр болон ажлын байранд нь нэгжлэг хийж буй. Мөн өнөөдөр “IHC” койнд их хэмжээний мөнгө байршуулж, хохирсон иргэд мэдээлэл хийсэн. Үүнд О.Мөнхжин цахим хуудсаар мэдээлэл хийсэн. Тэрбээр “Би хэнийг ч шахаж, шаардаж койн авхуулуулаагүй. Би койн гарч байхад иргэдэд битгий ав, бүү ойрт, хол бай гэж хэлж байсан. Би яагаад тэгж хэлж байсан бэ гэвэл, эрсдэлээ ойлгохгүй токен, койн гэдгийг ойлгохгүй хүмүүст анхааруулж байсан. Бүх мөнгөө хийж койн авах гэж байгаа бол хол бай. Эрсдэлтэй хөрөнгө оруулалт хийх боломжтой мөнгөнийхөө 10 хувиар ав гэдгийг сануулж байсан. Намайг иргэдэд токен, койн хүчээр авхуулсан хэмээн ярьж буй нь гүтгэлэг шүү” гэв.