Иргэд  1072 хувьцааны ногдол ашиг тараах шаардлага тавьж байгаа талаар мэдээлэл өглөө.

             Иргэдийн зүгээс “Бид 2022  оны аравдугаар сараас эхлэн нүүрсний хулгайтай холбоотойгоор ногдол ашгийг иргэдэд өгөх шаардлага тавьж эхэлсэн. Шаардлага өгснөөс хойш он гарсаар ногдол ашгийг иргэдэд өгөхөөр судалж байгаа гэсэн хариуг өгсөн ч албан ёсны мэдээ мэдээллийг  Засгийн газар өгөхгүй байгаа учраас бид дахин шаардаж байна. Яагаад ногдол ашгийг шаардах болсон бэ гэхээр Монгол Улс Үндсэн хуульд зааснаар төрийн болон улсын эд баялгийг улсын эрдэнэс баялгийг монголын иргэн бүрд илүү их хувийг олгоно гэж заасан байдаг. Монгол улсын иргэд өнгөрсөн хугацаанд үнэхээр хүнд хэцүү амьдрал туулж байна. Цар тахлын улмаас эдийн бүр дордсон. 2018-2019 онд нийт хүн амын 40-50 хувь нь нэн ядуу гэж байсан бол өнөөдөр УИХ-ын индэр дээрээс нийт хүн амын 75 хувь нь нэн ядуу болсон гэж гишүүд ярих боллоо. Тиймээс Монгол улсын иргэн бүрд цагаан сараас өмнө  тодорхой хувийн ногдол ашгийг олгох хэрэгтэй байна. Компанийн тухай хуулиар “Эрдэнэс Таван толгой” ХК  иргэдэд ногдол ашиг өгөх ёстой. Хувьцаа эзэмшигч нь иргэд. Ногдол ашиг тарааснаар нийгэм эдийн засагд сөргөөр нөлөөлнө гэж олон хүмүүс ярьж байна.

      Ердөө тийм зүйл байхгүй. Цаашид  Үндсэн хуулийн 6.2 дээр байгаа стратегийн ордын дийлэнх хувийг иргэдэд үр өгөөжийг өмчлүүлнэ гэсэн заалтын дагуу засгийн газрын 2007 оны  72 дугаарын тогтоолын дагуу  54 стратегийн орд байгаа. Эдгээр ордын хувиас ч  иргэд эзэмших ёстой. Бидний байгалийн баялаг  дундаршгүй асар их нөөцтэй. Тухайлбал, нүүрсний нөөц гэхэд 165 тэрбум тонн бий. Үүний  7.4 тонн тэрбум нь “Эрдэнэс Тавантолгой” ХК-д байгаа. Тэгэхээр бидний үр хүүхдүүд эн хувьцаанаас хүртэх боломжтой. 165 тэрбум гэдэг 7.4 тэрбум өчүүхэн бага сонсогдож байгаа. Бараг 0.5 хувь. Бид 1072 хувьцааг 100 хувь эзэмших ёстой. Төр иргэдийн ногдол ашгийг буцаагаад иргэдийн ногдол мөнгийг хуурч авсан. Маш буруу жишиг болсон. Тиймээс ахмад настан, хөгжлийн бэрхшээлтэй иргэд, оюутан буцааж өгөхийг шаардаж байна” гэв.