Иргэн Г.Ган-Очирын Хаан банкны дансанд 9.9 их наяд төгрөг шилжүүлсэн гэх мэдээлэлд Хаан банкны гүйцэтгэх захирал P.Мөнхтуяа тайлбар өглөө. 

       Тэрбээр “Хаан банк нь үйл ажиллагаандаа Монгол Улсын хууль тогтоомжийн мөрдөн ажилладаг бөгөөд аливаа хууль бус үйл ажиллагааг огт дэмждэггүй. Хуул хяналтын байгууллагаас харилцагчийн дансанд шийдвэрийн дагуу хөдөлгөөн хязгаарлах барилт гүйлгээ хийгддэг. Үүний дагуу иргэн Г.Ган-Очирын дансанд шилжилт хөдөлгөөний хязгаарлалтыг хасах дүнгээр, системийн боломжит оронгоор тооцоолон хийсэн. Хасах дүнтэй дансны үлдэгдэл харагдаж байгаа нь дансанд энэ хэмжээний мөнгөн хөрөнгө байгаа гэсэн утга биш. Дансны хөдөлгөөнийг банкны системийн боломжит дээд оронгоор хязгаарласан гэсэн мэдээлэл байгаа. Тухайн харилцагчийн дансанд орлого орж, зарлага гарсан тохиолдол байхгүй. Хаан банк 2.7 сая хэрэглэгчтэй, нийт актив хөрөнгө арваннэгдүгээр сарын 30-ны байдлаар 13.4 их наяд төгрөг байгаа. Тиймээс ийм хэмжээний мөнгөн дүнгээр нэг харилцагч дээр гүйлгээ гарах боломжгүй. 20 сая төгрөгөөс дээш дүнтэй хийгдсэн гүйлгээг Монгол банк, санхүү мэдээллийн төвд тайлагнадаг. Г.Ган-Очирын дансанд мөнгө байхгүй, хасах тэмдгээр гүйлгээ хийх боломжгүй гэдгийг илэрхийлдэг” гэлээ.