Засгийн газрын өчигдрийн хуралдаанаар “Эрдэнэс Тавантолгой” ХК-д онцгой дэглэм тогтоож, Засгийн газрын эрх бүхий төлөөлөгчөөр Сангийн яамны Төрийн нарийн бичгийн дарга Ж.Ганбатыг томилсон. Түүнийг ажлаа авсан даруйдаа “Эрдэнэт Тавантолгой” ХК-ийн гүйцэтгэх захирал Б.Ганхуягийг үүрэгт ажлаас нь чөлөөлж, тамгыг нь хурааж авсан гэх мэдээлэл гарсан. 

Үүний дараа Б.Ганхуяг өөрийн цахим хуудастаа “Ажлаа хийгээд өрөөндөө Бүрэн эрхт төлөөлөгчтэйгөө сууж байна. Худал мэдээлэл тараах нь дэмий биз дээ” хэмээн бичсэн байв. Харин өнөөдөр тэрбээр “Өдрийн мэнд. Д.Амарбаясгалан сайдтай ЭТТ-ийн Бүрэн эрхт төлөөлөгч Ж.Ганбатын хамт уулзаж, ЭТТ ХК-ийн бүх эрхийг Засгийн газрын тогтоолын дагуу БЭТ Ж.Ганбатад шилжүүлсэн шүү. Ажилд нь амжилт хүсье” гэсэн байв.