Монголын урлагийн зөвлөл /МУЗ/ Америк дахь Монголын урлагийн зөвлөлтэй хамтран ХААН банкны гүйцэтгэх захирал болон МУЗ-ийн дэд тэргүүн асан Петер Морроугийн гэгээн дурсгалд зориулсан “Гэрэлт морьд” шинэ уран бүтээлийн төслийн тэтгэлгийн уралдааныг тав дахь жилдээ зохион байгууллаа.Тус тэтгэлэгт хөтөлбөр мэргэжлийн уран бүтээлчдийг дэмжих, салбарын өрсөлдөх чадварыг нэмэгдүүлэх зорилготой бөгөөд уг тэтгэлгийн уралдааныг 2022 оны хоёрдугаар сард зарлаж, 2022 оны гуравдугаар сарын 25-н хүртэл 19 төслийн санал хүлээн авчээ.

    Ийн МУЗ-ийн Удирдах зөвлөлийн төлөөлөл, АНУ дахь МУЗ-ийн Удирдах зөвлөлийн төлөөллөөс бүрдсэн сонгон шалгаруулах хорооны саналаар МУИС-ийн “Социологи нийгмийн ажлын тэнхим”-ийн “Залуу социологич клуб”-ын оюутнуудын санаачилсан “Нийгмийг дүрс зургийн хэлээр илэрхийлэхүй төсөл” тэргүүлж, “Гэрэлт морьд” хөтөлбөрөөс нийт 3500000 төгрөгийн санхүүжилт авахаар болжээ.