Австрали Улсад 1999 онд гарсан ойн түймрийн үеэр салхины чиглэл гэнэт өөрчлөгдөж, таван  гал сөнөөгч харамсалтайгаар нас барсны дараа “Гал сөнөөгчдийн өдөр”-ийг бий болгожээ.

Олон улсын гал сөнөөгчдийн өдрийн бэлэг тэмдэг

   Энэ өдрийг илэрхийлсэн тэмдэг байдаг бөгөөд энэ нь цэнхэр, улаан тууз юм. Туузыг нэг см өргөн, таван см урттай нарийн зүсэж, дээд талд нь хоёр өөр өнгө нийлдэг. Цэнхэр нь усыг, улаан нь галыг төлөөлдөг. Туузыг ихэвчлэн цамцны даавууны нугалаас, жишээлбэл, энгэрт зүүдэг. Та бэлгэдэл болсон туузыг ямар нэгэн байдлаар зүүж, олон нийтийн сүлжээнд нийтэлснээр дэлхийн өнцөг булан бүрд байгаа гал сөнөөгчдийг дэмжиж байгааг харуулдаг байна.

Энэ өдөр үүрэгт ажлаа хийж яваад нас барсан гал сөнөөгчдийг дурсан санаж, хүндэтгэл үзүүлдэг.