Говь-Алтай аймгийн Байгаль орчин, аялал жуулчлалын газраас “Байгаль орчныг хамгаалах, нөхөн сэргээх арга хэмжээнд зарцуулах төлбөрийн орлогын хэсгийг бүрдүүлэх, зарцуулах, тайлагнах журам”-ын дагуу Баян-Уул суманд 60 толгой монгол тарвагыг нутагшуулжээ. 

Тодруулбал, Байгаль орчныг хамгаалах, нөхөн сэргээх арга хэмжээнд зарцуулах төлбөрийн орлогын хэсгийг бүрдүүлэх, зарцуулах, тайлагнах журам”-ын дагуу орон нутгийн төсвийн 20 сая төгрөгийн санхүүжилтээр Баян-Уул сумын Алтангадас багийн Ловон, Хүйсийн говь багийн Улаан дэлд нийт 60 толгой монгол тарвага сэргээн нутагшуулах ажлыг "Авралын эрэлд" ХХК-тай гэрээ байгуулан гүйцэтгүүлсэн байна. Нутагшуулсан гурван хэсэг газарт, БОАЖГ-ын байгаль хамгаалагч Т.Ганбаатар, Монгол элсний цогцолбор газрын улсын тусгай хамгаалалтай газрын захиргааны шинээр томилогдсон нутгийн иргэн Б.Батзориг нар байнгын хараа хяналт тавихын зэрэгцээ тодорхой давтамжтай бүртгэл мониторинг, автомат камерын мэдээлэл цуглуулах ажээ.

Ил 60 толгой тарвагыг 2019 онд тарваганы нөөцийн үнэлгээ тогтоосон Дарви сумын Дарвийн нуруунаас орон нутгийн удирдлагатай зөвшилцсөний үндсэн дээр барих болон нутагшуулах, үйл ажиллагаанд МХГ-ын Байгаль орчин хяналтын улсын байцаагчтай хамтран акт үйлдэн, хяналт тавьж ажилласан байна.