Дэлхийн эмч нарын өдөр өнөөдөр тохиолоо. Анх АНУ-д  1933 оны гуравдугаар сарын 30-нд тэмдэглэж эхэлсэн түүхтэй.  Харин 1990 оны гуравдугаар сарын 30-наас албан ёсоор “Үндэсний эмч нарын өдөр” болгон эмч нартаа баярлаж талархсанаа илэрхийлэн таниулж сурталчилдаг  Олон улсын өдөр болж өргөжиж байжээ.Ингээд  та бүхэндээ гэр бүлээрэй үзэж болох  анагаах ухааны талаар гарах сонирхолтой таван киног танилцуулж байна.

Good doctor

Ой тогтоолтын өндөр чадамжтай, чадварлаг  эмч боловч аутизмд өвчтэй учир эмч болоход олон саад бэрхшээл гарах болно. Гэвч өөрийн чадвараараа хүмүүст хүлээн зөвшөөрөгдөж байгаа залуу эмчийн  талаар гарна.

Emergency couple    

Яаралтай тусламжийн тасгийн залуухан эмч нар. Өдөр бүр тулгарч байгаа саад бэрхшээлүүдийг даван туулж буй хосуудыг хөгжилтэйгөөр харуулсан солонгосын олон ангит кино юм. Энэхүү киноноос  яаралтай тусламжийн тасгийн эмч нарын завгүй, ачаалалтай ажлын талаар харж болно.

Аритмия

Түргэний машинаас буудаггүй чадварлаг, завгүй яаралтай тусламжийн эмч залуу. Түүний амьдралд гэнэтийн асуудлууд гарч эхэлнэ. Байнга завгүй байдаг гэх шалтгаанаар эхнэр нь салж, шинэ ирсэн дарга нь түүнийг эмчилгээ хийхээс илүүтэйгээр тайлан гаргахын шаардаж эхэлдэг. Энэ бүхнийг хэрхэн даван туулж буй талаар киноноос үзээрэй.

Женщина с лилиями

Гайхалтай чадвартай эх барих эмэгтэйчүүдийн эмч Надежда Полунинагийн тухай өгүүлэх кино юм. Тэрбээр олон ээжээс талархал хүртдэг, хариуцлагатай сайн эмч, төгс эмэгтэй мэт боловч өөрөө хүүхэд төрүүлэх чадваргүй байдаг.

Скорая помощь

Түргэн тусламжийн шинэ жолооч Константин Кулыгин анагаах ухаан, оношилгооны талаар өндөр мэдлэгтэй бөгөөд хэд хэдэн хүний амь насыг аврахад тусалдаг.Тэр бол эмчлэх эрхээсээ үндэслэлгүйгээр хасагдсан чадварлаг эмч юм. Ийнхүү түргэн тусламжийн жолоочоор ажилд орж, цаг хугацаа өнгөрөхөд сайн нэрээ сэргээхээр хичээж эхэлнэ.