Ю.ДЭМБЭРЭЛСАЙХАН: Нийт 11 албан тушаалтныг хууль бус модны хэргээр шалгаж байна

2022-03-28, 2646

Экологийн цагдаагийн албанаас хүрээлэн буй орчны гэмт хэргийн нөхцөл байдал, улирлын чанартай үйлдэгддэг гэмт хэргээс урьдчилан сэргийлэх талаар мэдээлэл хийлээ.

Энэ үеэр Экологийн цагдаагийн албаны эрүүгийн цагдаагийн хэлтсийн дарга дэд хурандаа Ю.Дэмбэрэлсайхан “Улсын хэмжээнд 601 гэмт хэрэг бүртгэгдсэн. 2022 оны хоёрдугаар сарын байдлаар хүрээлэн байгаа орчны эсрэг гэмт хэргийн шижтэй 444 гомдол мэдээлэл хүлээн авч шалгасан нь өнгөрсөн оны мөн үеэс 70 буюу 18.7 хувиар, гэмт хэрэг 132 бүртгэгдсэн нь өнгөрсөн оны мөн үеэс 23 буюу 21.1 хувиар тус тус өссөн үзүүлэлтэй байна. Мөн хууль бусаар мод бэлтгэх гэмт хэрэг 2021 онд 314 бүртгэгдэж өнгөрсөн оны мөн үеэс 52 буюу 19.5 хувиар буурч хэргийн илрүүлэлт 2.1 хувиар өссөн.

Хууль бусаар мод бэлтгэх гэмт хэрэгтэй холбоотойгоор тус албанаас хэргийг шалгах явцад ойн ангийн дарга дөрөв, инженер хоёр, улсын байцаагч гурав, сумын засаг дарга болон сумын тамгын газрын дарга тус бүр нэг, нийт 11 албан хаагч эрх мэдэл албан тушаалаа урвуулан ашигласан байж болзошгүй үндэслэлээр холбогдон шалгаснаас хоёр хэргийн авлигатай тэмцэх газар шилжүүлж бусад хэрэгт тус албанаас мөрдөн шалгах ажил явуулж байна.

Хууль бусаар ашигт малтмал хайх, ашиглах, олборлох гэмт хэрэг 2021 онд 175 бүртгэгдэж өмнөх оны мөн үеэс 48 буюу 21.4 хувиар буурч хэргийн илрүүлэлт 5.1 хувиар өссөн мэдээтэй байна. Хууль бусаар олборлосон 8.7 килограмм алт, 21300 тонн жонш хураан авч хууль бус үйл ажиллагаандаа ашигласан экскаватор 42, ковш 17, хүнд даацын ачааны машин 23, алт угаах төхөөрөмж 23 нийт 103 механизм болон тээврийн хэрэгсэл битүүмжлэн мөрдөн шалгах ажиллагаа явуулж байна” гэв.

Ю.ДЭМБЭРЭЛСАЙХАН: Нийт 11 албан тушаалтныг хууль бус модны хэргээр шалгаж байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.

Нийт сэтгэгдэл: 8

Сэтгэгдэл үлдээсэн: 2022-04-02 01:04:26

Иргэн: Ерөө голын эхэнд Саудын араб гэж нэрлэгдэх капитал авто сервисийн уурхайг л ажиллуулах гэж төрийн албаар пост гаргаж ажиллахаа л больчих тэгвэл яг та бүхэнд итгэл төрөх гээд байна.
Сэтгэгдэл үлдээсэн: 2022-03-31 18:15:21

Буянтогтох : Энэ бол монгол хүн бүрийн хянаж байх ажил юм шүү .Сайн ажилласан та бүхэнд амжилт хүсье Баярлалаа.
Сэтгэгдэл үлдээсэн: 2022-03-29 15:56:50

oyunchimeg: mundag ajiliin amjilt
Сэтгэгдэл үлдээсэн: 2022-03-29 06:47:21

Чингис: Сайн ажиллаж бна цаашдаа илүү сайн ажилаарай хүлээлттай байгаа шүү
Сэтгэгдэл үлдээсэн: 2022-03-28 23:12:54

Мод: 11 албан тушаалтан модны хэргээр шалгагдаж байгаа бол хууль бусаар мод бэлтгээд боловсруулаад байгаа хүмүүст арга хэмжээ аваагүйн төлөө, ийм төрлийн хэрэг гараад байхад илрүүлээгүйн төлөө албандаа хайнга хандсан хэргээр хжн шалгагдах ёстой вэ
Сэтгэгдэл үлдээсэн: 2022-03-28 23:08:09

Монгол: Экологийн цагдаа сөйн ажиллаж байгаа. Гэхдээ миний амьдардаг сууринд хангалтгүй ажилладаг. Цагдаагийн хэлтсээс 200 м зайд л зөвшөөрөлгүй рам хэдэн жил ажиллаж байна. ЦХ т экологийн цагдаа ажилладаг
Сэтгэгдэл үлдээсэн: 2022-03-28 23:07:19

Gombo: Tanai darkhani tsagdaagiin darga anh tomilogdoj ircheed huderees ymar zowshoorolgui palk oruulj irj bsan. Hoid modni zah dr oruulj irj honuulj blaa. Tuhain ued selengiin 4n zamiin baigal orchnii baitsaagch yun mod ve gd asuuj bsan shu.
Сэтгэгдэл үлдээсэн: 2022-03-28 22:18:15

mundag darga bolohoor ajil ni uragshdaa bna. yag hn shig ajillah heregtei shu: tsagdaad iim l hin heregtei bna. taniig ene aband bgaad mash ihh bayartai bna.