"Мөнгөн мод 2021" наадмын ёслолын үйл ажиллагаа амжилттай болж, өчигдөр шилдгүүдээ тодруулсан юм.Тус наадмаас шилдэг найруулагчаар  шалгарсан “Альфа” театр, “Орфей” театрын ерөнхий найруулагч М.Батболдтой холбогдож баярын сэтгэгдлийг нь хуваалцлаа.

  Тэрбээр “Маш их баярлаж байна.  Театр бол нэг хүний хөдөлмөр байдаггүй. Тиймээс баг хамт олноо хайрлаж, хамт урагшилж, багаараа байж том амжилтад хүрдэг. "Гэм зэм" жүжиг бол том төсөл үүнийг эхлүүлнэ гэдэг хамгийн чухал ажил байсан.  Үүнд  би нэг хүнийг  заавал дурдмаар байна. Санал тавьж энэ ажлыг эхлүүлсэн Т.Ариунчимэг продюсерт баярлаж байна. Энэ жүжгийг хамтарч хийсэн Оросын  Соёл шинжлэх ухааны төв, Оросын  Элчин сайдын яамны дэмжлэгээр тус уран бүтээл бий болсон юм шүү гэдгийг хэлмээр байна” гэв.