“Бээжин-2022” өвлийн олимпын наадамд ОХУ-ын Олимпын хорооноос оролцож буй уран гулгагч Камила Валиевагаас сэргээш илэрсэн асуудлаар Спортын арбитрын шүүх албан ёсоор мэдэгдэл гаргажээ.

          Уран гулгагч Камила Валиевагаас триметазидин гэх сэргээш илэрсэн гэх мэдээлэлтэй холбоотойгоор “Бээжин-2022” өвлийн олимпыг зохион байгуулах хорооноос уран гулгагчийг тэмцээнд оролцохыг нь түр хориглоод байсан. Тэгвэл Спортын арбитрын шүүхийн зөвлөл “Тамирчны допингийн эсрэг шинжилгээний хариуг цаг тухайд нь мэдэгдээгүй нь ноцтой асуудал болсон. Бээжингийн өвлийн олимпын үеэр энэ асуудал дэгдсэн нь тамирчны буруу биш” гэх мэдэгдэл хийж, Камила Валиеваг тэмцээнд оролцохыг түдгэлзүүлээд байсан шийдвэрийг хүчингүй болгожээ. Харин Оросын уран гулгагчийг сэргээш хэрэглэж, дүрэм зөрчсөн эсэх асуудлыг “Бээжин-2022” өвлийн олимпын наадмын дараа хэлэлцэж, шийдвэр гаргах аж.

Улмаар ОХУ-ын Олимпын хорооноос ээлжит өвлийн олимпод оролцож байгаа уран гулгагч Камила Валиева Монголын цагаар маргааш болох эмэгтэйчүүдийн уран гулгалтын ганцаарчилсан төрлийн тэмцээндээ оролцох боломжтой болж байна.