Монгол Улсаас Япон Улсад оюутан суралцаж эхэлсний 50 жилийн ойг тохиолдуулан Японд суралцаж төгсөгчдийг  гуравдугаар сарын 19-ний өдөр хүлээн авч уулзав. Тус уулзалтыг Японы ЭСЯ-наас сүүлийн таван жилийн хугацаанд Японы Засгийн газрын тэтгэлгээр суралцан төгсөж ирсэн төгсөгчдийг Элчин сайдын өргөөнд хүлээн авч, уулзалт үдэшлэг зохион байгууллаа.

   Энэ жил Монгол Улсаас Японы Засгийн газрын тэтгэлгээр анхны монгол оюутан Японд суралцаж эхэлсний 50 жилийн ойн түүхэн онцлог жил тохиож байна. Хүлээн авалтад Монголд үйл ажиллагаа явуулдаг Японд сургууль төгсөгчдийн холбоо, нийгэмлэгээс “Жугамо”, “JDS” төгсөгчдийн холбоо оролцсон юм.

    Мөн  Монгол дахь “Ротари Ёнэяма” төгсөгчдийн холбоо, “Инженер” технологийн дээд боловсрол “MJEED” төгсөгчдийн холбоо, “Иватани” сангийн төгсөгчдийн холбооны Монгол дахь салбарын төлөөлөл, гишүүд оролцов. Тэд Японд суралцан төгсөж ирээд одоо хийж бүтээж буй ажил, үйл ажиллагааныхаа талаар танилцуулга хийн, яриа хөөрөө өрнүүллээ.