Америкийн сагсан бөмбөгийн нэрт тоглогч Коби Брайант, түүний охин Жианна нар нисдэг тэрэгний ослоор амиа алдсанаас хойш хоёр жилийн хугацаа өнгөрчээ.

          Тэгвэл домогт тоглогч Коби Брайант болон түүний Жианна нарын дурсгалыг хүндэтгэж, АНУ-ын Калифорни мужийн Калабасас хотод осолдсон газар нь хөшөө босгосон байна. Хөшөөг Лос-Анжелесийн уран барималч Ден Мадина бүтээсэн бөгөөд 70 кг жинтэй хүрэл хөшөө аж. Хөшөөг түр хугацаанд байрлуулж байгаа юм.

Коби Брайант болон Жианна Брайантын нар осолдсон хэргийг эргэн сануулбал, 2020 оны нэгдүгээр сарын 26-нд сагсан бөмбөгийн нэрт тоглогч Коби Брайант өөрийн хувийн нисдэг тэргээрээ охин Жианна болон охины ангийн найз, түүний аав, ээжтэй хамт зорчиж байсан. Гэсэн ч манангийн улмаас үзэгдэх орчин муу байсан тул нисдэг тэрэг хөөрөх түвшнээсээ нам дор газар нисэж байгаад осолдсон билээ.