Казахстан Улсад шатахууны үнийн өсөлтийг эсэргүүцсэн иргэд орон нутгийн цагаар 23:00 жагсаж, зарим газар хүчирхийллийн шинжтэй болсон тул Алматы хот болон Мангистау мужид 14 хоногийн хугацаатай онц байдал зарлажээ. Эсэргүүцлийн жагсаалын үеэр цагдаа болон аюулгүй байдлын албаныхан жагсагчдын эсрэг нулимс асгаруулагч, хийн гранат ашигласан аж.

          Энэ талаар Казахстан Улсын Ерөнхийлөгч Касым-Жомарт Токаев “Жагсагчид Засгийн газар болон цэргийн албанд халдахыг уриалсан нь хууль зөрчиж байна. Засгийн газар унахгүй. Гэвч бид зөрчилдөөн бус, харилцан итгэлцэл, яриа хэлэлцээг хүсэж байна” хэмээн мэдэгдсэн байна.

Нэгдүгээр сарын 4-ний өдөр Казахстан даяар өргөн хэрэглээний шатахууны үнэ огцом өсөж, Мангистау мужид 11 центээр өссөн аж.