ОХУ-д коронавирусийн шинэ төрлийн Омикрон хувилбарын хоёр тохиолдол илэрчээ.

          Энэ талаар төрийн мэдээллийн РИА Новости агентлаг “Өмнөд Африкаас саяхан эх орондоо ирсэн хоёр иргэнээс Омикрон хувилбар илэрсэн” гэж мэдэгдсэн байна. Өнгөрсөн долоо хоногт Өмнөд Африкаас ОХУ руу тусгай нислэгээр очсон 10 иргэнийг тусгаарлаж, PCR шинжилгээ авсан бөгөөд Омикрон хувилбараар өвчилсөн хоёр иргэнийг тус нислэгээр ирсэн байж болзошгүй гэж олон нийт таамаглаж байгаа юм.

          ОХУ-ын эрх баригчдын шийдвэрийн дагуу энэ сарын 2-ноос эхлэн Өмнөд Африк болон түүний хөрш орнуудаас ирж буй иргэдийг 14 хоног тусгаарлахаар болсон. Мөн Өмнөд Африк, Ботсвана, Лесото, Намиби, Зимбабве, Мозамбик, Мадагаскар, Свазиланд, Танзани, Хонконг руу нислэг үйлдэхийг хориглоод байна.

Эх сурвалж: Moscow Times