Өмнөд Африкт илэрсэн шинэ төрлийн B.1.1.529 буюу Омикрон хувилбар анх илэрсэн өвчтөнүүдийг эмчилж байсан эмч "Омикрон хувилбарын шинж тэмдэг нь хөнгөн тул гэрээр эмчлэх боломжтой” талаар мэдэгджээ.

          Өмнөд Африкийн Анагаах ухааны нийгэмлэгийн дарга Анжелик Коетзи “Дельта хувилбараас өөр шинж тэмдэг илэрсэн долоон өвчтөний биеийн байдал хэвийн, шинж тэмдэг маш хөнгөн байгаа” гэсэн байна. Харин ижил шинж тэмдэгтэй байсан өөр нэг өвчтөн эмнэлэгт хоёр өдрийн турш бие, толгой нь өвдөж, маш их ядарч байсан аж. Албан бус ч Омикрон хувилбар хүн хүнд өөр өөр шинж тэмдгээр илэрч байгаа гэсэн таамаг дэвшүүлсэн байна.

Өмнөд Африкийн Халдварт өвчин судлалын үндэсний хүрээлэнгээс энэ сарын 14-16-ны хооронд хийсэн шинжилгээнүүдийн лабораториос авсан дээжээс илрүүлж, зарласан. Үүний дараа ДЭМБ-аас грек цагаан толгойн Омикроноор нэрлээд байгаа юм.

Эх сурвалж: Reuters