Испанийн Вант Улсын Ерөнхий сайд Педро Санчез Валенсиа хотод хийсэн Социалист намын их хурлын сүүлчийн өдөр дэмжигчиддээ хандан “Испани Улсад биеэ үнэлэхийг хориглох” амлалт өгчээ. Өгсөн амлалтынхаа талаар Ерөнхий сайд Педро Санчезын “Биеэ үнэлэлт бол эмэгтэйчүүдийг боолчлох ажиллагаа” хэмээсэн байна.

1995 онд Испани Улсад биеэ үнэлэлтийг гэмт хэрэгт тооцдог байжээ. Харин биеэ үнэлэлтийг гэмт хэрэг гэж үзэхээ больсноос хойш тус улсад 300 мянга гаруй эмэгтэй биеэ үнэлдэг гэх судалгаа гарчээ.

Испанийн Вант Улсад 2009 онд хийсэн судалгаагаар гурван эрэгтэй тутмын нэг нь биеэ үнэлэлтэд мөнгө төлж байгаа тухай үр дүн гарчээ. Харин 2017 онд Испанид хүн худалдаалах гэмт хэрэгтэй тэмцэх зорилгоор цагдаагийн байгууллагаас биеэ үнэлдэг 13 мянган эмэгтэйг баривчлахад тэдний 80 орчим хувь нь бэлгийн мөлжлөгт өртөж байсан аж. 2016 онд НҮБ-аас Испани Улсын биеэ үнэлэлтийг 3.7 тэрбум евро буюу 4.2 тэрбум ам.доллартой тэнцэх хэмжээнд үнэлсэн байна.

Эх сурвалж: BBC