Талибан хөдөлгөөн Исламын Бүгд Найрамдах Афганистан Улсын нийслэл Кабул хотыг эзэлж, Засгийн эрхийг авснаас хойш тус улсын 20 мужийн 153 хэвлэл мэдээллийн хэрэгсэл хаагджээ. Талибууд хэвлэл мэдээллийн бүх түвшинд хязгаарлалт тавьж, эдийн засгийн эргэлтийг нь зогсоосон нь хаагдах гол үндэслэл болсон аж.

Энэ талаар Афганистаны Хараат бус сэтгүүлчдийн холбооны дэд ерөнхийлөгч Хужатулла Мужадиди “Хэрэв хаалга барьсан хэвлэл мэдээллийн хэрэгслүүдийн гашуун үнэний хажуугаар нүдээ аниад өнгөрөх юм бол цаашид бүх түвшний хэвлэлийн хэрэгсэл Афганистанд үгүй болох болно” хэмээжээ. Афганистаны Хараат бус сэтгүүлчдийн холбооноос Талибаны Засгийн газраас эсэргүүцлийн жагсаалыг сурвалжилж байгаа сэтгүүлчдийн хүчирхийллийг зогсоож, мэдээлэл олж авах хуулийг батлахыг уриалаад байгаа юм.