Япон Улсын баруун хэсгийн шүүхээс дөрвөн хүний амийг хөнөөсөн, шархдуулсан гэмт хэргийн сэжигтэн якуза бүлэглэлийн толгойлогчид цаазаар авах ял оноожээ. Японы эрх баригчид цаазаар авах ял сонссон Номура Саторугийн толгойлдог Фукуока мужийн Китакюшү хотод төвтэй Кудо-кай бүлгийн онц аюултай дээрэмчдийн бүлэг гэж тодорхойлсон байна.

Кудо-кай бүлэглэл 1998-2014 онд загас агнуурын хоршооны даргаар ажиллаж байсан албаны хүнийг буудан хөнөөж, цагдаагийн ажилтан, сувилагч зэрэг гурван хүнийг буу, хутга ашиглан хөнөөсөн аж. Улмаар Японы Улсын прокуророос Кудо-кай бүлэглэлийн толгойлогч Номура Саторуг сэжигтнээр татаж, баривчлаад байв. Номура Саторуд холбогдох шүүх хурал түүний  захиалсан халдлагын хэргүүдэд голлон анхаарсан талаар хэвлэлүүд мэдээлжээ.

Ташрамд дурдахад, Японы баруун хэсгийн шүүхээс гаргасан уг шийдвэр зохион байгуулалттай гэмт хэргийн бүлэглэл буюу якузагийн толгойлогчид анх удаа өгсөн цаазын ял болж байгаа юм.

Эх сурвалж: NHK