Исламын Бүгд Найрамдах Афганистан Улсыг 20 жилийн дараа дахин хяналтдаа авсан Талибан хөдөлгөөнийхөн олон улсын сэтгүүлчдийг хамруулсан хэвлэлийн хурал хийсэн байна. Уг хэвлэлийн хурлаар Талибаны Засгийн газрыг төлөөлж Забихуллах Мужахид “Исламын хуулийн хүрээнд эмэгтэйчүүдийн эрхийг хамгаалах болно. Хэнийг ч байцаахгүй гэдгийг баталж байна” гэж мэдэгджээ.

Харин Талибаны соёлын хорооны гишүүн Энамуллах Самангани “Өмнөх Засгийн газарт ажиллаж байсан хүмүүст өршөөл үзүүлнэ. Мөн Засаг захиргаанд эмэгтэйчүүдийг ажиллуулахад анхаарна. Эмэгтэйчүүдэд сурч боловсрох, ажил хөдөлмөр эрхлэх орчинг бүрдүүлж, Исламын хуулийн хүрээнд, үндэсний соёлын үнэт зүйлсийг хүрээнд нийцүүлэн засаг захиргааны бүтцэд орж ажиллах боломжийг олгоно” хэмээн мэдээлсэн байна. Талибаны Засгийн газар “Бид 1990-ээд оныхоос маш их өөрчлөгдсөн” гэж мэдэгдэж байгаа ч олон улсын хэвлэл, төлөөлөгчид тухайн үеийн Афганистаны Засгийн эрхийг барьж байсан Талибаны дэглэмээс болгоомжилсон хэвээр байгаа тухай мэргэжилтнүүд онцолжээ.

Эх сурвалж: BBC