БНХАУ-д “Ковид-19” цар тахлын дельта мутацийн тархалтыг зогсоож чадаагүй 47 албан тушаалтанд шийтгэл ногдуулжээ. Тухайлбал, орон нутгийн Засгийн газар, Эрүүл мэндийн комисс, эмнэлэг, нисэх буудлуудын дарга зэрэг 47 хүнд цар тахлын халдварыг хянахад хайхрамжгүй хандсан, зөв арга хэмжээ аваагүй хэмээн шийтгэл хүлээлгэсэн байна.

          Жишээлбэл, Жиансу мужийн нийслэл Нанжин хотын нэр бүхий 15 албан тушаалтныг Нанжины Локоу олон улсын нисэх онгоцны буудалд халдвар тарахад хариуцлага алдсан хэмээн шийтгэсэн талаар БНХАУ-ын эрх баригч Коммунист намын сахилга бат шалгах төв комисс мэдэгджээ. Коронавирусийн дельта хувилбар БНХАУ-д анх илрэхдээ Нанчин хотод илэрсэн. Тэгвэл өдгөө дельта мутаци БНХАУ-ын талаас илүү мужид тархаад байгаа юм.

Эх сурвалж: CNN