Афганистан Улсын Гилманд муж Засгийн болон Талибаны бүлэглэлийн тулааны төв цэг болжээ. Мужийн өмнөд хэсэгт орших төв Лашкар Гах хотоос АНУ-ын агаарын довтолгоог тасралтгүй хийж байгаа ч хүчтэй халдлагад өртөж, Афганистаны аюулгүйн хүчнийхэн ялагдахад ойрхон байгаа талаар олон улсын хэвлэлүүд мэдээлж байна.

Талибаны  зэвсэгт бүлэглэлийн халдлага эхлээд суурин газар, оршин суугчдын онилж байсан бол одоо хэвлэл мэдээллийн агентлагуудыг онилох болсон аж. Афганистаны Мэдээллийн яамны мэдээлснээр Гилманд муж дахь 11 радио, дөрвөн телевизийн суваг Талибаны халдлагад өртсөн тухай мэдээлсэн байна.

Афганистан Улсын Зэвсэгт хүчний хошууч генерал Сам Садаат “Энэ бол Афганистаны дайн биш. Энэ бол эрх чөлөө, тоталитаризмын хоорондох дэлхийн дайн” хэмээсэн байна. Түүний үзэж буйгаар Афганистаны газар нутаг дахь Талибаны бүлэглэлийн дарангуйлал, ялалт нь дэлхийн аюулгүй байдалд сөргөөр нөлөөлөх юм.

Талибаны зэвсэгт бүлэглэлийн халдлагын улмаас Афганистаны мужуудаас иргэд дүрвэж, аюулгүйн хүчнийхний хамгаалсан дүрвэгсдийн бааз дүүрч байгаа нь өөр нэгэн том аюул болж байгаа тухай судлаачид онцолж байна.

Эх сурвалж: BBC