Олон улсын шилдэг эрэн сурвалжлах сэтгүүлчдийн нэг Петр Р Де Вризийг телевизийн шоунд оролцож, гарч явахад Амстердам хотын гудамжинд бууджээ. Хэргийн газарт байсан гэрчүүдийн мэдээлснээр хэрэгтэн таван удаа буудсан бөгөөд түүний толгойг оносон гэнэ. Одоогийн байдлаар сэтгүүлч Петр Р Де Вризийн биеийн байдал маш хүнд байдалтай ухаангүй эмчлүүлж байгаа юм.

       Сэтгүүлч Петр Р Де Вризийн ажиллаж байсан гэмт хэргийг хэд хэдэн материал болон шүүхэд үүсгэсэн заргаас нь болж түүний аминд хүрнэ гэсэн сүрдүүлэг ирэх болсон тул цагдаагийн хамгаалалт хүсэж байжээ. Амстердам хотын цагдаагийн байгууллагаас уг халдлагатай холбогдуулан гурван сэжигтнийг баривчилсан аж. Тэдний үзэж байгаагаар дээрх халдлага оройн 19:30 цагт болсон бөгөөд халдлагыг хоёр сэжигтэн үйлдэж, үлдсэн нэг нь автомашиндаа хүлээж байсан гэнэ.

       Олон улсын эрэн сурвалжлах сэтгүүлч Петр Р Де Вриз 1983 онд “Хейнекен” шар айрагний компанийн гүйцэтгэх захирал агсан Фредди Хейнекенийг барьцаалсан хэргийн мөрөөр бодит үнэнийг сурвалжилсанд хэрэгтэн, хүн амины онц ноцтой гэмт хэрэгт Уильем Холлидер түүнийг заналхийлж байсан байна. Мөн 2005 онд Аруба аралд сураггүй болж, амиа алдсан байдалтай олдсон Натали Холовейн гэх америк охины амиа алдсан хэргийг сурвалжилсан зэрэг эрэн сурвалжлах бүтээлүүдээрээ “Эмми”-гийн шагнал хүртсэн юм.

Эх сурвалж: BBC