Япон Улсын нийслэл Токио хотоос баруун урагш 90 км зайд байрлах Атами хотод их хэмжээний бороо орсны улмаас хөрсний нуралт үүсэж, хоёр хүн амиа алдаж, 20 гаруй хүн сураггүй болоод байгаа юм.

       Одоогийн байдлаар аврах, эрэн хайх ажилд Японы армийн 700 орчим цэрэг ажиллагааг үргэлжлүүлж байгаа бөгөөд хөрсний нуралтын төв цэгтэй ойр орших бүс нутагт оршин суудаг 387 хүнийг нүүлгэн шилжүүлсэн байна.

       Үүнтэй холбоотойгоор Япон Улсын Ерөнхий сайд Ёшихидэ Сүга мэдэгдэл хийхдээ улсыг хамарсан байгалийн гамшиг, газар хөдлөлт, галт уул, цунами зэрэгт сэрэмжтэй байж, урьдчилан сэргийлэхийг анхааруулжээ.

       Атами хотын ойролцоох улсын дундах хөндийгөөр жижиг гол урсдаг байжээ. Улмаар их хэмжээний аадар бороо орсны улмаас тухайн гол үерлэж, ойр орчмынх шавар, хог хаягдал хоёр орчим километр газар урсаж, хохирол учруулаад байна. Одоогийн байдлаар хохирлын хэмжээг тооцож чадаагүй гэнэ.

Эх сурвалж: Reuters