БНСУ-ын иргэд ажлын байрны цомхтголыг зогсоож, хөдөлмөрийн хөлсний доод хэмжээг нэмэх, цар тахал, хөл хорионы үед хохирсон хүмүүст дэмжлэг үзүүлэхийг шаардан улсын нийслэл Сөүл хотын төвд жагсчээ.

       8000 гаруй хүн жагссан уг эсэргүүцлийн жагсаалыг зохион байгуулах зөвшөөрлийг холбогдох байгууллагаас өгөөгүй бөгөөд БНСУ-ын Ерөнхий сайд Ким Бо Кюм тус улсын Үйлдвэрчний эвлэлийн холбоонд эсэргүүцлийн жагсаалаа цуцлахыг уриалаад байгаа юм.

       БНСУ дотор коронавирусийн халдвар авсан нийт хүний 80 орчим хувь нийслэл Сөүл хотод амьдардаг бөгөөд уг эсэргүүцлийн жагсаалыг зохион байгуулах нь халдвар тархах эрсдэлийг нэмэгдүүлэхийг холбогдох байгууллагаас анхааруулжээ.

       Гэсэн хэдий ч Солонгосын Үйлдвэрчний эвлэлийн холбоо нь цар тахлын үеийн дэг журмыг чанд сахих учир иргэдийн цугларах, эсэргүүцэх эрх чөлөөг хааж, хорихгүй байхыг уриалсан байна.

Эх сурвалж: Reuters