“Европт Ковид-19-ийн халдвар хоёр сарын турш буурч байсан ч долоо хоногийн дотор 10 хувиар өсөж, халдварын шинэ давалгааны эрсдэл өслөө” хэмээн ДЭМБ- мэдээллээ. Мөн Энэтхэг Улсаас гаралтай коронавирусийн дельта хувилбар Европын олон оронд заналхийлж байна гэжээ. Европын холбооны өвчний хяналтын агентлаг ECDC-ийн тооцоолсноор наймдугаар сарын сүүлчээр дельта хувилбар нийт халдварын тохиолдлын 90 хувийг эзэлнэ гэж үзсэн байна.

Тэгвэл Европын томоохон улсуудын нэг ОХУ-д сүүлийн гурван өдөр нас баралтын хамгийн олон тохиолдол бүртгэгджээ. Зөвхөн пүрэв гарагт гэхэд шинээр 23543 тохиолдол бүртгэгдэж, 672 хүн нас баржээ. Мөн коронавирусийн дельта хувилбарын хамгийн олон тохиолдол Москва хотод бүртгэгдэж байгаа бөгөөд эрүүл мэндийн албаныхан Дельта-плас хувилбарын тухай ярьж байгаа аж. Түүнчлэн “Евро 2020” тэмцээнийг зохион байгуулж буй Петербург хотод Испани болон Швейцарийн багийн зургаа дахь сүүлчийн аялан тоглолтын орой буюу өнгөрсөн 24 цагт 115 хүн нас баржээ. Харин Финландын Эрүүл мэндийн байгууллага зургадугаар сарын 21-нд Санктпетербургээс ирсэн хөгжөөн дэмжигчтэй холбоотой халдварын 400 тохиолдол илэрсэн тул ОХУ-руу аялахгүй байхыг анхааруулсан байна.