Гэрийн тэжээвэр амьтад эздээрээ дамжуулан “Ковид-19”-ийн халдвар авч байгаа тохиолдол Нидерланд Улсад идэвхтэй бүртгэгдэж байна.

       Үүнтэй холбоотойгоор Нидерланд Улсын Учречт их сургуулийн судалгааны баг 196 өрхийн 310 гэрийн тэжээвэр амьтнаас арчдасын шинжилгээ авч, судалгаанд оролцуулжээ. Үр дүнд нь судалгаанд оролцсон тэжээвэр амьтдаас зургаан муур, долоон нохойн коронавирусийн шинжилгээний хариу эерэг гарсан бол 54-өөс нь вирусийн эсрэг биет илэрсэн гэнэ.

       Утречт их сургуулийн доктор Элс Броинс “Хэрэв коронавирусийн халдвар авсан тань батлагдсан бол гэрийн бус гишүүд болон тэжээвэр амьтантайгаа харилцаа үүсгэхгүй байх хэрэгтэй” гэж зөвлөжээ.

       Канад Улсын Гүлф их сургууль мөн адил судалгаа явуулсан бөгөөд судалгаанд оролцсон 77 өрхийн 54 нохой, 48 муурнаас вирусийн эсрэг биет илэрчээ. Өвчний шинж тэмдэг илэрсэн гэрийн тэжээвэр амьтдын дөрөвний нэгээс нь хоолны дуршил буурах, бүгчимдэх шинж илэрсэн байна. Судалгаанд оролцсон олонх тэжээвэр амьтдын биеийн байдал тогтворгүй байсан ч гурвын нь биеийн байдал хүндэрсэн аж.

Б.БАДАМЗУЛ

Эх сурвалж: BBC