Канад Улсад температурын гэнэтийн өөрчлөлт гурван өдөр үргэлжилж, гурав дахь өдрөө нэмэх 49.6 градус хүрч халсны улмаас 130 гаруй хүн амиа алджээ.

Ванкувер хотын цагдаагийн байгууллагын төвөөс мэдээлснээр “Хэт халалтын улмаас амиа алдсан оршин суугчид бүгд суурь өвчтэй байсан бөгөөд температурын гэнэтийн өөрчлөлт нь суурь өвчинд нь нөлөөлж, амиа алдахад хүргэсэн байж болзошгүй” юм.

Харин Канад Улстай хиллэдэг АНУ-ын баруун хойд хил орчмын нутгуудад агаарын температур түүхэнд байгаагүй дээд түвшинд хүрч, олон арван хүн амь эрсджээ.

Энэ тухайд АНУ-ын Ерөнхийлөгч Жо Байден улсын хэмжээнд дэд бүтцийн сүлжээг шинэчлэх төлөвлөгөө боловсруулах үүрэг өгөөд байгаа юм.

Эх сурвалж: BBC