Токиогийн Олимпын наадмын нээлтийн ёслол Үндэсний цэнгэлдэх хүрээлэнд албан ёсоор эхэллээ.

Нээлтийн ёслол болохоос хэдхэн цагийн өмнө Японы Агаарын цэргийн хүчнийхэн Үндэсний цэнгэлдэх хүрээлэнгийн дээгүүр Олимпын цагирагийг зуран сонирхолтой үзүүлбэр үзүүллээ.

“Токио-2020”-ийн тэмцээнүүд Олимпын наадмын түүхэнд анх удаа танхимын үзэгчгүйгээр явагдана. Энэ удаагийн наадамд дэлхийн 200 гаруй улс орон, бүс нутгийн 11 мянга орчим тамирчин хурч хүчээ сорих юм. Наадмын нээлтийн ёслолын үеэр тамирчид өөр хоорондоо зай барин жагсана.

Цар тахал өнгөрсөн оны эхэн үеэс дэлхий дахиныг хамран тархаж эхэлснээс хойших хамгийн том спортын тэмцээн энэ болж байгаагаараа онцлогтой.