Зэвсэгт хүчний 120 дугаар ангийн байлдагч, 18 настай Б нь даргадаа зодуулж, гэмтэл авсны улмаас эмнэлэгт хүргэгдсэн талаарх мэдээлэл цацагдаад байна. Тодруулбал, Хан-Уул дүүргийн 13 дугаар хороонд байрлах 120 дугаар ангийн удирдах албан тушаалтан байлдагчийг зоджээ.

Энэ талаар ЦЕГ-ын Хэвлэл мэдээллийн төвөөс тодруулахад “Цагдаагийн байгууллагад өмнө нь тухайн ангиас болон өөр хэн нэгнээс хандаж, хэрэг бүртгүүлж байгаагүй. Цэргийн анги, байгууллагууд нэгдсэн журмаар үе шаттай эмчийн үзлэгт хамруулж байгаа. Өнөөдөр олон нийтийн цахим сүлжээнд  гэмт хэрэг, зөрчлийн шинжтэй мэдээлэл явж байгааг үндэслэж, бүртгэлд авч шалгаж байна” гэлээ.