ЭМЯ-наас цаг үеийн нөхцөл байдалтай холбоотойг ээлжит мэдээллээ хийлээ.

Хэвлэлийн хурлын үеэр ЭМЯ-ны Нийтийн эрүүл мэндийн тусламжийн бодлогын хэрэгжилтийг зохицуулах газрын дарга Л.Энхсайхан мэдээлэл өгөв. Тэрбээр

“Вакцин тариулсан гээд тайвширч байгаа тохиолдол их байна. Коронавирусийн эсрэг дархлаа хүн бүрд харилцан адилгүй, хүн бүрд ялгаатай дархлаа тогтоно. Цаашид 4000 хүн коронавирусийн улмаас нас барах эрсдэлтэй. Тиймээс ирэх хоёр сарын хугацаанд халдвар хамгааллын дэглэмээ сайн барьж чадвал Монгол Улс ажил, амьдралаа хэвийн горимд оруулах боломжтой” хэмээсэн юм.

Өнгөрсөн 24 цагийн хугацаанд шинээр 639 хүнээс халдвар илэрч, Монгол Улсад коронавирусийн халдвар авсан хүний нийт тоо 45459 болов. Мөн найман хүн нас барж, улсын хэмжээнд нийт 170 нас баралт бүртгээд байгаа юм.