Баянзүрх дүүргийн 14 дүгээр хороо, Цагаан хуаран хотхоны 88А байрны хоёр орцонд оршин суудаг хоёр гэр бүлийн гишүүнээс коронавирусийн халдвар илэрчээ.

Энэ талаар ХӨСҮТ-ийн Халдварт өвчний тандалт, судалгааны албаны дарга Ж.Байгалмаагаас тодруулахад “Нийслэлийн бүх дүүрэгт коронавирусийн халдвар илэрч байгаа. Өнөөдөр Баянзүрх дүүргийн 14 дүгээр хороонд коронавирус илэрсэн. Мөн өглөөний 11:00 цагийн мэдээгээр тус дүүргийн 6, 14, 25, 26 гэсэн хороодод халдвар илэрсэн талаар хэлсэн. Цагаан хуаран хотхоноос халдвар илэрсэн тухай мэдээллийг датагаа шүүж байж дэлгэрэнгүй мэдээлэл өгөх боломжтой. Одоогоор дата мэдээллээ харж, хэлэх боломжгүй байна” гэлээ.

Эрүүл мэндийн яам болон ХӨСҮТ-өөс коронавирусийн нөхцөл байдлын талаар өнөөдөр ээжлит мэдээллээ өгөх үеэрээ сүүлийн 24 цагт “Ковид-19” халдвараар 103 хүн өвчилсөн талаар хэлсэн. Ингэснээр улсын хэмжээнд коронавирусийн батлагдсан тохиолдлын нийт тоо 3664 болоод байгаа юм.