ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийлээ.

Уг хэвлэлийн хурлын үеэр ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяр залруулга мэдээлэл өгөв. Тэрбээр

“Коронавирусийн халдварын хөнгөн хэлбэрийн оноштой 22630 хүн гэрээр эмчлүүлж, өрхийн эмчийн хяналтад байгаа. Харин эм, эмчилгээний багц өгөхгүй байна гэсэн мэдээ явж байна. Гэрээр эмчлүүлж байгаа иргэд өрхийн эмчийн хяналт дор бий. Тусгаарлалтад байх хугацаанд шаардлагатай тохиолдолд эмчийн үзлэг хийнэ. 70 мянган төгрөгийн эмийн багц өгч байгаа. Эмийн багц нь биеийн байдлаасаа хамаарч хүн бүрд харьцангуй очно. Хүн тус бүр гэж тогтсон тоо байхгүй. Харин тухайн иргэд маань “Эмийн багц, өрхийн эмчийн хяналт байхгүй байна” гэж суухын оронд “Өөрөө холбогдож, өөрийн саналаа хэлж зохион байгуулалтад орох хэрэгтэй байна. Өрхийн эмч тэр олон хүнтэй зэрэг холбогдож чадахгүй. Гэрээр эмчлүүлж байгаа иргэдийн зүгээс ч өөрийн биеийг тогтмол хянах, үзэх зохицуулалт шаардлагатай байна” гэлээ.