Монгол Улсын Манлай уяач, “Иточу” компанийн захирал Т.Энхбатын гэргий Э.Цолмон Монгол Улсын Алдарт уяач цол хүртлээ. 1991 онд дээрх цолыг анх удаа эмэгтэй уяач Д.Хорлоодой гуай авч байжээ. Э.Цолмон түүний  дараа гардаж буй хоёр дахь эмэгтэй уяач боллоо. Тэрбээр Улаанбаатар хотод төрсөн ч аавынхаа төрсөн нутаг Ховд аймгийн Эрдэнэбүрэн сумаар овоглодог байна. 

    Түүний үндсэн мэргэжил замын хөдөлгөөний зохион байгуулалтын инженер бөгөөд Украйны Харьковт төссөн. Тэрбээр 2004 оноос өөрийн нэр дээр морь уяж, 2008 оноос амжилт гаргаж эхэлжээ. Анхны хүлэг нь Төгс хүрэн морь бөгөөд тус хүлгийг Сүхбаатар аймгийн Асгат сумын харьяат уяач Ариунболдоос нөхөр нь худалдан авч, эхнэртээ бэлэглэжээ. Тийнхүү тэр жилээ “Алтан овоо”-ны тахилга наадамд айргийн дөрөвт хурдалсан гэдэг.