"Иргэний нисэхийн үндэсний төв" ТӨХХК, түүний харьяа салбар нэгж болон иргэний нисэхийн үйл ажиллагаа эрхлэгч байгууллагуудын дунд волейболын аварга шалгаруулах бооцоот тэмцээн 2025.11.01 - 2025.11.02-ны өдрүүдэд Нисэхийн спорт сургалтын цогцолборт зохион байгуулагдлаа. Тэмцээнийг ажилтнуудын бие бялдрыг хөгжүүлэх, чөлөөт цагийг зөв боловсон өнгөрүүлэх, волейболын спортыг сурталчлан таниулах, хамт олны харилцаа холбоог бэхжүүлэх зорилгоор зохион байгуулсан юм. Тус тэмцээнд эрэгтэй 9, эмэгтэй 8 багийн нийт 140 гаруй тамирчид хурд хүч, авхаалж самбаагаа сорин өрсөлдсөн юм.

Тэмцээний эмэгтэй төрөлд:

Гутгаар байр: "Чингис хаан" олон улсын нисэх буудал дахь Гаалийн газар

Дэд байр: "МИАТ" ТӨХК

Тэргүүн байр: "Иргэний нисэхийн үндэсний төв" ТӨХХК-ийн ГТҮШХА

Эрэгтэй төрөлд:

Гутгаар байр: Нисэхийн спорт сургалтын цогцолбор

Дэд байр: "Чингис хаан" олон улсын нисэх буудал дахь Гаалийн газар

Тэргүүн байр: Хилийн цэргийн 0218 дугаар ангийн баг тамирчид тус тус эзэллээ.

Энэхүү тэмцээнийг зохион байгуулсан Нисэхийн спорт сургалтын цогцолборын хамт олонд талархал илэрхийлье.