“Улаанбаатар Сонгдо” эмнэлгийн ерөнхий захирал Б.Болдсайхан ходоодны хорт хавдар оноштойгоор БНСУ-руу эмчлүүлэхээр явсан. Түүний эмчилгээ амжилттай болж, бие нь тэнхэрч өнөөдөр Сөүлийн нислэгээр эх орондоо ирэх юм.

Тэрбээр нэгдүгээр сарын 13-нд бие нь муудаж, 19-ний өдрийг хүртэл "Сонгдо" эмнэлэгт эмчлүүлсэн. Тус хугацаанд биеийн байдал нь хүнд хүүхдүүдэд өөрийн биеэр хагалгаа хийж байсан гэнэ.

Тэрбээр энэ талаар өөрийн цахим хуудаснаа “Өнөөдөр эмчилгээнд яваад нэг сар хагас орчим болоод ирэх байх. “Зүрх мартахгүй” төсөл зогсохгүй. Намайг байхгүй байсан ч Бямбасүрэн, Доржсүрэн, Буянтөгс, Гэрэлмаа, Зоригоо, Намхайдорж, Эрдэнэбаатар, ХашЧулуун эмч нараар ахлуулсан чадварлаг хамт олон ажлаа хийнэ. Хоёр сарын дараа дэлгэр Монгол орондоо яаран яаран ирж уулзахын ерөөл тавья” гэсэн байжээ.